الجــــــــــــــــزء الثالث >>>>بعد فتره كان جالس على سريره وفارس ولده نايم جنبه ...ولمى زوجته طالعه تزور الجيران يسمع لعبد المجيد عبدالله .. ماكنك اللا واذكر الله وأكبر ..... مخلوق بكيفك وذوقك وخاطرك كنني بسحر في عيونك يدبر.....من شافها قام يتعوذ من الشرك
وهو يحرك شعر فارس ((ايه والله من شافها قام يتعوذ من الشرك)) ((ليه يافارس ليه طلعت تشبه لي........؟؟.......... طيب ليه ماتشبه لمى أحلى منني ... ليه طالع تشبهني ؟..... الله بس لو انك على امك كان ملك جمال الحين ...)) دخلت لمى لمى: هلاااعبدالله عبدالله: هلالمووو...وشسويتي هناك لمى: والله حليوين مره توهم جايين من قطر عبدالله: قطرين ؟ لمى: ايه حسبتهم سعودين اول ماشفتهم عبدالله وهو معها ومو معاها بالضبط: اقول لمى لمى: هلا عبدالله: عيونك حلوه اليوم لمى: توني داخله قسم بالله عبدالله: هههههههههههه لمى وهي تطالع شكلها في المرايه: عيونك الحلوين قلبي عبدالله: كل ماسمعت عبدالمجيد ذكرتك وانتي تسلهمين بعيونك وتخليني اروح وطي لمى: بسم الله على على قلبك عبدالله: وذا ورا ماطلع عليك؟ لمى: مين؟ عبدالله: فارس ماغير يشبهني اكثر منك لمى: ابووه اكيد بياخذ منك اكثر عبدالله: لو انه عليك كان احسن لمى: اكيد بس شفته طالع عليك عشان كذا طالع شين عبدالله: ابوووك يالغرور لمى: هههههههههههه انا ادري عنك عبدالله: اضحكي ثانيه لمى: ياربيه جتك الحاله الحين عبدالله: حتى الضحكه حلوه ...حشى وشخليتي للحور بالله لمى تضحك بإحراج وبها الطريقه تذبح عبدالله وماحست بنفسها اللا واهو شايلها ويدور بها لمى طول الوقت تضحك ... عبدالله حطها عالأرض وقال بمزح: اخ ظهري أوجعني لمى: كم مره قلت لك ؟ عبدالله: هههههههههههه والله وسامنه لمى: ...توني ناقصه كيلوين حرام عليك عبدالله: ههههههههههه أخاف حامل لمى حمر وجهها يغار سمعي ويشره كل وجداني لاغاب صوتك نهار مابلغ سمعي يالي لقيت بنواعس عينك اوطاني هي ديرتي هي ملاذ القلب هي ربعي املي النظر من جمالك يوم تلقاني واحبس خيالك بعيني حبسي لدمعي لي شفتك اعيش فعيونك ازماني واخذ من نجومك واشعل بها شمعي من نورها سالت الفرحه بودياني ومن سهرها قام يورق بالذهب زرعي
:::::::::::::::::::::::::::::::::::::::::::::::::: :::::::::::::::::::::::::::::::::::::: انا مابيك ... ليه ماتبيني ياساره دروب الحزن تكثر صارت متاهات ... ياساره انتي ناويه تهلكيني وانا عايش ... حراام اللي يصير ليه فيصل ماابيك... فيصل وش سوى لك... عذااب والله اني تعذبت ... حتى وانا احب احبك بعذاب ...احاول انساك .. لكن مقدر انساك كل شي يعجبني فيك حتى غرروك لكن ....شكل الله كاتبلي .... اني امووت وانا فحبك وابقى احبك وانتي تكرهيني ....تبقين حبيبتي ......لكنني مااعنيلك..فعلا أصعب انواع العشق انك اللي من طرف واحد والأصعب ان الطرف الثاني مايتقبلك ...الله مااصعب حالك يافيصل تعبت أعلق آمال وأقول بتتغيرين ... ابيك تصيرين لي انتي منيتي ..لكن مابيلد حيله ...أتمنى اعرف من اللي ماخذ لك عقلك ومبعدك عنني
انا ماهزني غيرك حبيبي بالبشر انسان ولاحبيت ابد قبلك ولا افكر احب ثاني دخيل الليل والقمر او النجم في سمانا ظال ودخيل الحب وعيونك ودمعا غرق اوجاني ابي حبك يزلزلني يفجر داخلي بركان ابيه يطهر جروحي يمحي باقي احزاني ابيك تكثر الرهبه وقلبي ممتلي ايمان وابيك تشد من عزمي اذا همي تلقاني ابي حبك ينسيني همومي وعالم الاحزان وابي قلبك يصبرني اذا جيتك انا اعاني ابيك تشيل من قلبي معالم لوعة الحرمان ابيك توقف بصفي اذا ظرفي تحداني ابي حبك يجنني وينقش في سماي الوان ابي قلبك يحسسني بصدق الحب لاجاني ابيك الصاحب الوافي يحطني دايم بهيمان ابيك العاشق المخلص يشافي دوم عطشاني ابي عطشك ابي قربك ابي حب كما البنيان ابي قلبآ كبيرآ لاملاه الشوق ناداني ابيك الشاعر الصادق ابيك المغرم الهيمان تبيع الـــــــــــــــــروح من شانــــــــــــــــي ابي امكن بقلبك لوحدي مامعي انسان ابملك كل تفكيرك وتملك كل وجداني وابي قلبك يواعدني لو خان البشر ماخان وابي اطلب طلب واحد رجيتك وهو المهم الان ابيك تحبني حب يمحي كل آلامي
:::::::::::::::::::::::::::::::::::::::::::::::::: :::::::::::::::::::::::::: >>>>في المدرسه انتهت الحصه الرابعه وطلعت المعلمه ...وبدو البنات يسولفون .. البتول: غلاااا غلا: نعم؟ البتول: أعطيني جدول بكره ! غلا: حصتين رياضيات /انجلش /كيميا/ عربي/دين/ فيزيا البتول: يوه بكره ثقيل دم غلا: شوي البتول باستغراب من بعد ماركزت على عيون غلا الحزينه: وشفيك ؟ غلا: لامافيني شي البتول وهي تغمز: تعلميني فيك ؟...غلا ماحد يعرفك كثر ماانا عارفتك احسن لك قولي لي غلا: البتول أبسألك سؤال البتول: اسألي غلا: كيف الواحد يدري عن نفسه اذا حب ولا لا؟ البتول: غريب السؤال غلا: ليه؟ البتول بتفكير: مدري أول مره تفكرين بها الأشيا من عرفتك وانتي راعية دراسه اممممم اذا شفتي انك تفكرين فيه ..ودايم هو على بالك ..ان قالو لك اسمه يمر عليك مو مثل أي اسم .. يعني زي كذا غلا جلست سرحانه طول الوقت ...أما البتول مستغربه حركاتها البتول: ههههههههه ليه فيه أحد خش قلبك؟ غلا: مدري البتول باهتمام وهستيريه: اخس والله غلا منهو سعيد الحظ؟ غلا((يعني ماحد بيقدر غيرك انت)): للحين مافهمت نفسي البتول: والله اللي يشوفك مسبهه كذا بيقول ذي ميته من العشق غلا: هههههههه حرام عليك البتول: خبرتك ماتحبين هالحركات لايكون احد لاعب عليك غلا: وش شايفتني منيب من هالأنواع مالقيتي اللا أنا(بعد تفكيرقالت بغصه) اصلن امي الله يرحمها كانت دايم توصيني على نفسي وتخاف علي كثيرمن الأنواع هذي البتول بحزن: الله يرحمها هنا غلا بس ذكرت أمها على لسانها ماعرفت تحبس دموعها ((يوم يمه يوم واحد بس يوم ... يمه خلاص تعبت وربي تعبت))) البتول وهي ضامتها: غلا حبيبتي خلاص غلا وهي تشهق: بتول تعبت هذي دنيا هذي؟ ول عيشه ؟ البتول: لاياغلاأنتي القويه خليك قويه غلا امك تتعذب كذا خلاص غلا: البتول يوم واحد بس بتول أبي اشوفها البتول: تعوذي من ابليس قلبي مايصلح كذا غلا: ..... البتول: الحين امك ان شالله مرتاحه ...هذاقضا وقدر مكتوب لك ولااعتراض غلا: بس يابتول انا محتاجتها البتول(ياماتعانين ياغلا عيونك بحالها تفضحك وتبين حزنك .. حركات اللي قويه هذي تعكس لي حزنك الله يعينك عيشتك صعبه ياغلا ..)) البتول حست بحرمان غلا أمها وحاولت تمسك وتحجب دموعها عنها لكن ماقدرت يعز عليها حال صديقتها غلا .. وغلا اللي الله يكون في عونها .. تحاول تنسي وتشغل نفسها مب عارفه روان: سلامات وشفيها غلا؟ البتول: روان خليها متضايقه روان بهمس: عشان امها تبكي؟ البتول: ايه ايه لاتسمعك روان بحزن: الله يصبرها البتول: ايه والله مسكينه حالتها صعبه أما غلا راحت تغسل وجهها وتمسح دموعها على طول جا على بالها نايف ليه طيب؟ .... ليه نايف اللي دايم يشغلني عن التفكير...يعني أنا احبه ..على كلام البتول لأنني افكر فيك ... مااحد اشغلني عن ذكرى أمي غيرك يانايف ... بس عيب!... ليه احطه في بالي انا مااعرفه ... هذا اللي يقولون عذاب.؟ .....كذا الناس تحب؟غيرها.....أنا غلا...من متى صرت أفكر بأشيا مثل كذا؟؟ ... ليه دايم اهو اللي على بالي وكأنه عندي طول الوقت؟ لأنني أحبكـ.؟ معقوله؟..... الحب طريق صعب ولازم ابعد عنه ... بس ماشاورني يوم جايدخل قلبي ..من غير احساسي جذبني ..لكــ...... معقولهـ.,,,!! قلبي معك لو كان جسمي مع الناس ماغاب طيفك عن خيالي دقيقه اجلس بوسط الناس سارح بهوجاس لافي يدي حيله ولافيه طريقه حبك بوسط القلب مبني على ساس وان قلت اموت بشوفتك هي (الحقيقه) :::::::::::::::::::::::::::::::::::::::::::::::::: ::::::::::::::::::::::::::::::::::::: مرت الأيام سريعه وبندراتصل على محمد بيعرف رد ندى ... ندى وافقت على بندر ... وقررت تتزوج ... وبتبدا حياتها الجديده .... اتفقو على موعد الزواج في نهايةـ الأسبوع انهت تجهيزها وخلاص مابقى لها غير زيارات للمشغل وبتخلص ساره: اجل وبتتركيننا ندووو ريناد: ايه والله بنفقدك ندى ندى: خلاص لاتخلونني اهون محمد: ايه خليكم ساكتين ..لاتهون ماصدقنا نفتك ندى: وليه قاعده على قلبك انا؟ ريناد: هههه ايه ايه احسن روحي وفكينا ام محمد: ماعليكم من بنتي اللاوالله بنفقدها وبنشتاق لها ندى وهي تضم أمها : الله لايخليني منك يايمه غلا هنا تأثرت بالموقف غلا قالت بتفكير: ايه اشين شي الفراق ريناد:أي والله بس مع وحده مثل ندى أحلى شي الفراق ساره: وانتي الصادقه ندى: ياربييه خلاص كلها اسبوع وبتفتكون منني..اهل انتم اهل؟ اعوذ بالله محمد: وترا أبوي بيجي بكره غلا بفرح مسح شطوب وجهها الحزين: اشقت لأبوي كثير ريناد: ايه والله وانا اكثر من زماان ومااشفنا ابوي :::::::::::::::::::::::::::::::::::::::::::::::::: :::::::::::::::::::::::::::::::: اليوم الثاني... طلعت شمس يوم جديد ... تخبي ورا أشعتها ...أحداث يمكن تسر أبطالنا ...ويمكن تعيقهم ... طلعت الشمس واتجه الكل للعجله ...اللي مرغم يلف معاها.... ويتحمل ...عواقبها ...وظروفها اللي تفرضها عليه ..الكل يعيش أزمه من نوع مختلف ....اللي يشيل هم دراسه ...واللي حرمان ...واللي حب ... واللي فراق ... بطلتنا غلا قامت من النوم وغيرت ملابسها ... وغسلت ..وجلست عند النافذه ...تطالع منظر الشمس واهي تصارع الظلام ...وكأنها تحاول تعلن بدايه جديده ... ((مدري ياشمس من بعد اليوم أي نوع من الحزن تخفينه ؟!!...أعطيني شي يبشر...أتمنى اضحك وأفرح مثل أول ... وين أخواني ...ووين أبوي ...ووين أمي ؟....أمي؟ .......إيه أمي وينها؟......غابت وماسألت عنني ...عن غلا....غلا وش بتسوي من غيركــ...الله رحمك ويدخل فسيح جناته ...)) دخل محمد ...بفرح ...وشاف أخته عز عليه شكلها الحزين ..ومثل لها انه مايدري وماحس فيها محمد بمرح:غلاا غلا بابتسامه مصطنعه:نعم؟ محمد على انه يحاول يخبي اللي بداخله لكنه ماقدر :وشفيك غلا؟ غلا: مافيني شي محمد: ليه؟ مااشوف عيونك أنا؟ غلا: ليه؟ محمد: ضايق صدرك كذا ليه؟ غلا: ههههههه لاتعرف هموم دراسه محمد بتصديق: اييييه الله يعينك ..عندي لك خبر غلا: اذا زين قوله اذا شين مافيني أسمع محمد: هههههه لالا بيعجبك ...أبوي وصل وينتظرك غلا اللي التفتت على محمد بفرح نست كل اللي كانت تفكر فيه غلا: بجد محمد: ايه روحي شوفيه تحت اللا وتسمع صوت أبوها يناديها غلا على طول طاااااارت عند أبوها مب عارفه حتى ترد عليه من الفرح محمد: هههههههه الحمدلله والشكر وأول مادخلت عليهم بالصاله بدت ترميها أم محمد بانظرات طبعا رجعت حركات الغيره غلا: ابووي اشتقت لك وراحت وضمت أبوها بقوه ونزلت دمعتها حتى من غير شعورها واهي مرتميه في أحظان أبوها ((ليه ليه يايبه ...ليه تحرمني حنانك؟,..... اشتقت لك ....وماحد يعرف كيف اشواقك تحرقني تكويني .. أبوي احتاجلك أكثر منك....حنانك ليه تحرمني يايبه ليه....ياما انتظرت اللحظه اللي أشوفك فيها ... عوضني ولو نصف اللي انحرمت منه ... أنا مثل الورده الحمرا الصغيره ...بس انتظر حنان أحد يسقيني يساعدني أكمل عيشتي ...أبوي اشتقت لك وحشتني يايبه وحشتني )) ابو عبدالله تفاجأ من ردة فعل غلا ماكانت مثل اخواتها كلهم سلامهم بارد مو مثل غلا اللي واضح عليها الفرح واهي من النوع اللي بسرعه تفضحه مشاعره ابو عبدالله: غلا تصيحين؟ ... غلا وقفت واهي تمسح دمعتها: لاعاد تطول مره ثانيه ابو عبدالله: والله شكلك معصبه علي ...لالامااطول عليك ان شالله غلا: وعد؟ ابو عبدالله اللي ارتبك ..وحاول يغير الموضوع ابو عبدالله واهو يطالع زوجته بنظرات طبعا الكل فاهمها :غلا مرتاحه هنا؟ ول لا غلا خنقتها العبره(وكيف ابرتاح والحرب بيني وبين زوجتك هنا جامده أقوى من الحرب الحاره) غلا: مرتاحه ايه ام محمد بغت تغير الموضوع وقالت : ابو عبدالله ترى القاعه للحين ماحجزناها ابو عبدالله: محمد مب أنا قايل لك ؟ محمد: رحت ولقيتهم مسكرين ..اليوم ان شالله ابروح ابو عبدالله: مبرووك ندى موفقه ان شالله ندى بحيا: الله يبارك فيك ساره : يبه تكفى خلنا نجيب فيصل العلياان الله يخيلك ابوي ريناد: ايه ماحد يعرف يغني مثله ابوعبدالله: وشوله ؟فلوس على غير سنع ..عندكم الطقاقات مملين الدنيا ..هذا غالي وطقه عادي كلها ليله وحده ساره: ابوي الله يخليك ابخلي صديقتي تتوسط لي عندها واسطه قويه ابو عبدالله من النوع اللي ماتعجبه هالأفكار: لالامافيه ..بكره يقولون جايب مغني في زواج بنته ساره: ياربيه مدري متى بتتفتحون ام محمد اعطت ساره نظراات خلتها تسكت وابوها تضاهر انه ماماسمعها :::::::::::::::::::::::::::::::::::::::::::::::::: ::::::::::::::::::::::::::::::::::::::: خالد وعبدالله وزوجته في مطار لندن وطبعا معاهم تركي ... عشان يحظرون زواج أختهم طبعا ديما وزايد جايين بيودعون تركي في المطار... ديما: ماوصيك على نفسك ...وسلم لي على خواتك تركي: يوصل ان شالله زايد: هههههههه ان شالله تنفتح نفسك للدراسه اذا شفت السعوديه ثانيه تركي: الله يسمع منك ههههههههه ديما: وسلم لي عليهم لاتنسى تركي: ايه ان شالله
من بعيد كانو لمى وعبدالله يعلقون على منظر تركي من بعيد.. عبدالله: هههههههههههههه مايمديني عالحب تصدقين تركي تطور هنا لمى: ههههه ايه أشكالهم عشااق من بعيد عبدالله: والله مايندرى وش تحت راسه لمى: تهقا انه يحبها ؟ عبدالله: شوفي تركي مب وجه حب ..بس من بعد هالمناظر الحلوه اللي كل يوم اشوفهم عند مدرستهم مااستبعد شي لمى: ههههههههه ياحليلهم الله يهنيهم من بعد صوت المسؤوول بدت الرحله المتجهه للسعوديه عبدالله وهو ينادي: ترررركي يالله مشينا تركي: ان شالله
تركي وهو يسلم على زايد.: مع السلامه وضمه على خفيف ..واللي بعده جت ديما تركي .. سلم عليها بالمصافحه بس لكن نظراتهم لبعض تفسر لكل واحد منهم نوع غريب او احساس ثاني بالنظرات تركي من غير شعوره: بشتاق لك ديما ديما: وأنا اكثر تركي مسك يدها بقوه: انتبهي لنفسك ديما مبتسمه: وانت انتبه لنفسك وعلمني عن اخبارك أول بأول وألف مبروك مقدما تركي بنظرات اعجاب: الله يبارك فيك زايد: احم احم تركي بضيق: اللهم سكنهم في مساكنهم ديما: ههههههههههههههههههههههه حرام عليك زايد: مالي حشيمه أنا استحو على وجيهكم تركي: ههههههه لاعادي ديما اختي زايد: ايه طيب ديما بحيا: ههههههههه يالله باااااااااي ترووك تركي: فمان الله كلكم زايد: الله معاك
وتوه داخل للطياره جلس جنب خالد أخوه خالد اللي بارغم من برووود اعصابه الا انه وداهيه لاااااايمكن يفوت شي يقدر يحلل اللي فيك بثقه زايده خالد وهو يطالع قدام: حركاات تركي سويت اللي ماسويناه تركي ببرائه: وش سويت؟ خالد بخبث: مدري برئ ول تسوي نفسك تركي: وش السالفه علمني؟ خالد: ههههههههههههه أي داري ضايق صدرك توك مودع الحبايب تركي: اهااا فهمت خالد بخبث: مبروك تركي: ايه والله ابفقدها خالد: اووف من متى وأحنا جريئين ونسلم ونفقد؟ لاونعترف بعد ! تركي: الله يقطع شرك خالد وهو يغمز: تركي موب علي ..ازبدها وقل لي.....تحبها؟ تركي: لابس تعجبني ...واهي دايم على بالي وافقدها دايم خالد: ماألومك ههههههههه بس ماتوقعتك بتعترف انك تحبها أو بتعرف تحب بالأصح تركي: لامثل اختي صدقني خالد: هههههههه والله من عيونك تقول انك ميت عليها تركي: لاشدعوه خالد وهو يخزه: علينا .... تروك ...انت مشكلتك ماتدري وش الحب جابوك من الرياض وطحت على هالمزيونه ..واللا مافيك اللا الحب تركي: ههههههههههههه مادري والله ان كنت كذ1 مدري خالد: المصيبه اني اعلمك على نفسك تركي :................ خلاص انقطع عن خالد وقام يفكر بكلامه ... يعني احبك أنا؟؟؟؟.... هو فعلا تركي مايعرف للحب لعبة الحب يبيلها قلب ...لكن تركي من النوع الطيب ويحب الكل ...ومايدري ليه ديما اللي بدت تحتل عقله موبس قلبه من غير مايحس .... ممكن يحبها لكنه توه يدري عن نفسه ...........ومايفكر اطلاقا بالشئ هذا :::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::::::::: >>>بيت ام محمد كانو يستعدون عشان زواج ندى الليله .. ام محمد: بنات يالله تأخرنا على ندى في المشغل دينا: ان شالله يمه بس البوكيه لاتنسينه غلا غلا: اوكي دينا: يمه كذا شكلي عدل؟ ام محمد: ايه زين يالله ساره وندى بنتأخر عليهم ابو عبدالله بربشه:يالله بسرعه بياخذكم السواق غلا: وليه ووين محمد؟ ابو عبدالله: بيجيبهم من المطار وعلى طول للقاعه ساره: اوكي يالله لانتأخر وركبو للسياره وبسرعه أخذو ندى وساره من المشغل ... ومحمد راح بيجيب اخوانه من المطار
وفي افخم قاعات الرياض ........كان زواجهم ...أهل المعرس جو ... وخالات ندى والكل جا سلمو على المعازيم وجلسو البنات عند ندى ساره: هههههههههه ندى لاتصيحين لايخرب مكياجك مافيني اعدله ندى: ههههههه لالامارح اصيح انا قويه ريناد: ترى اكثر البنات يضعفون عند الزفه مايندرى عنك انتي ندى: لازفه ولاشي يخوفني لينا: بندرك ماتخافين منه ندى: ههههههههههه ولابندر وش دعوه أباخذ وحش؟ لينا: ايه نشوف ام محمد بغصه: ندى حبيبتي يالله الزفه الحين ندى: ان شالله ام محمد ضمت بنتها وقامت تصيح وطبعا كل البنات لحقوها ... بالدموع ندى قويه في هالمواقف ماتضعف وهذي عادتها ... سلمو عليها وباركو لها وعلى أمـــيــــرة الورد زفوها جلست على الكوشه وشوي اللا وطاحت دموعها والناس تسلم وترقص قدامها ماقدرت تمسك نفسها ... أخذها المعرس بندر مستعجل ... وطلعو من القاعه الســـــــــــــــاعه 4 ونصف ام نايف: يالله مشاعل مشينا مشاعل: لايممه شوي الحين زواج بنت أختك ليه تروحين بدري ام نايف: وش شوي طولنا يالله مشاعل بإحباط: طيب ابتصل على نايف ام نايف: بسرعه مشاعل: مايرد؟! ام نايف: مايرد ؟ وليه؟ مشاعل : مدري عن ولدك أخاف انه نايم في البيت هنا ساره وغلا طارت قلوبهم مع الأسم ووشفيه نايف ليه مايرد ساره : خلاص ابتصل على محمد وابسأل ساره: الوو محمد محمد: نعم سوير؟ ساره: نايف عندك؟ محمد:ليه؟ ساره: اهله يبون يطلعون محمد: ايه ..بس ترى ماتعشينا عشونا يالظالمين حرام عليكم ساره: ههههههههههههههههههه أفاا ياحرام وليه ؟ مب انتم من اهل العروس؟ محمد: والله مدري مكروف انا في هالعرس ...ونايف يقول مافيه روحه اذا ماعشيتونا من عشاكم ساره: هههههههههههههههههههههههه .. طيب طيب انحط لكم الحين محمد: هههههههههههه بسرعه ابحسب خمس دقايق ساره: اقول انقلع محمد وهو يسوي نفسه بنت: بااي ولاتطولون ساره: بااي ام نايف: هاه وش يقول؟ ساره: يقولون نبي نتعشى أول ام نايف: وليه؟ ساره: ماتعشو مساكين شكلهم جايعين ابحط لهم شي مشاعل: ههههههههههه احسن عشان مانروح بدري ام محمد: ووينهم فيه ؟ عشان بنوديه لهم ريناد : خلاص الحين ابحطه وأوديه لهم ساره: اظن انهم فوق مافيه غير محمد ونايف ريناد: اوكي غلا تعالي وياي غلا: طيب
وهم يرقون القاعه فوق .... وشايلين الصحون ريناد: حطيه عند الباب لأن نايف موجود غلا وقلبها يرجف: ان شالله ريناد حطت اللي بيدها وراحت ..وغلا توها تقرب الصحن عن الباب وينفتح الباب غلا طارت عيونها وحست شوي وبيغمى عليها من الخوف ((يالله ووووش هالموووووقف)) رفعت عيونها وتشوف نور عينها وملاكه قبالها .......صعبه تتحرك او تحرك أي شي فيها كانت ماسكه بطرف أصبعها على الصحن وشبه جالسه على الأرض نايف ماتحرك جلس بمكانه يبي يشيل عيونه ماقدر بكامل جمالها البنت جايه زواج فستانها موف وعلى جسمها مكياج نااعم ومبين نعومتها غلا جمالها كله نعومه .. وشعرها البني المرفوع بتسريحه بسيطه وعيونها الوسيعه الخايفه ومرتبكه ... فيـــــك أطباع الحنان غطتـــــ ظنوني والجمال عندك نعــــــــــــــومه وش حلاتكـ غـلا أشواقك أمل يلهب شجوني واكتشفت الكون من روعة جمــالكـ غلا ظاعت ماتدري وش تاخذ ووش تخلي ياهي عيون وريحة العود الفخم ...ول الشماغ اللي مطلع جماله خشمه الطويل ورزه من جسمه المعضل ول الثوب قماشه من النوع اللي يلمع شكله كان جذاب ... لونه الفاتح اللي يجذب بلحاله ...كان حاط سكسوكه خفيفه هنا غلا ماعرفت كيف تتحرك وقطـــع عليهم موقفهم صوت محمد ينادي محمد: نااااااااايف عجل علينا نايف ونظراته على غلا: ان شالله
نايف تدارك نفسه قال بارتباك: يعطيك العافيه ياغلا غلا(كيف عرف اسمي ) بصوت واطي حتى نايف ماسمع: الله يعافيك وحطت رجولها على طول
واهي نازله من الدرج جلست تفكر(هذاهو نايف؟ ....جذااب أنا اشهد انك جذبتني .... كل ملامحك تجذب ...تذبح....تعذب .....بس عرف اسمي ...كيف)
(ليتني ماعرفت الغزال وماشفته.... سرقت عقلك يانايف ...وانا اشهد ان كيدهن عظيم .... مدري فيه غيرها بها الجمال؟ .....ووش خلت للحور .... كيف بيصيرون احلى من كذا ؟ ..... ماشالله .... شكلها اهي غلا..... شكرتها باسمها ولاقالت شي .......عذابي الجديد ,.....أول كنت أرحمها والحين قلبت لي الوضع.......ماتوقعت ان رحمتي لها ....بتتحول لحب ومن أول نظره .....انا كم مره لي شايفها ......احلى ماخلق ربي ....واحلى مافي الدنيا ...صرت اشوفها ..انت يانايف اللي ياما تهزيت بالعالم ..كنت استغرب وأسميه مرض... يجمعني الله بغزال يبتليني ....ليتني ماتشمتت بالعالم ))
ماكنك اللا واذكر الله واكبر مخلوقن بكيفك وذوقك وخاطرك كنني بسحر في عيونك يدبر من شافها قام يتعوذ من الشرك
أنا ااشهد انك أطعم الخلق سكر هذا وانا ماذقت في يوم سكرك نوب تطول بعيني ويم تكبر ويوم تحط بخاطري شي واشكرك
انت البعيد اللي له الدرب يقصر بلقاك وللالآخر العمر بأنطرك تغيب قاصد أو تجلى وتظهر أولك في بالي وفي بالي أخرك :::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::: جلس يفكر في الملاك اللي شافه ....وابتلاه .... ماهقيت اني بس بنظره ابنفتن ...وابطيح في حفره .....عميقه وش بيطلعني منها .......... :::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::: >>>>اليوم الثاني الساعه 4 العصر الجو غيم .... وأمطاار شديده .... عواصف ورعود ...وبروق .... الجو كان بارد ..... وبرد معه مشاعرها .... حست ببروده في جسمها .... وفي مشاعرها ..... تحاول تهلكها ماعرفت ....حست بشعور غريب ....اذا نزل مطر هذا يوم كئيب وتعيس بالنسبه لها .... حطت يدها عند الدفايه .... لكن مافيه فايده شعور مايفارقها(جايتك المفاجآت ياغلا لاتستعجلين) .................... وقطع تفكيرها ابو عبدالله: غلا بنتي! غلا: هلا يبه ابو عبدالله: اجهزي لأن بكره جمعة عمانك .. غلا: يعني بنروح للشرقيه ؟ ابو عبدالله: اكيد غلا: لايبه مابي ! ابو عبدالله أعطاها نظرات غلا: ان شالله ابو عبدالله : واليوم بنمشي ساره: يبه وراي امتحان السبت مقدر اروح ام محمد: ولاحتى ريناد مب رايحه (امهم تبي تبعدهم عن عمانهم ) ابو عبدالله: خلاص بس الجمعه الجايه لازم تجون كلكم ام محمد: ان شالله محمد: يبه متى بنمشي؟ ابوعبدالله: اليوم المغرب استعدو محمد: ان شالله غلا راحت بتجهز اغراضها .... وضايق صدرها ماتعودت على عمانها ... بيجتمعون عشان عمهم (فواز)توه جاي من الكويت وبيسكن في السعوديه ..فكل الاخوان اجتمعو وكل عيال ابو عبدالله لااااااازم يجون ريناد: من جدك بتروحين ؟ غلا: وش تبيني أسوي؟ ريناد: كان صرفتي مثلي أنا وساره غلا: لاتفرق بيني وبينكم ريناد: ليه ؟ عشان امي؟ غلا:...................... ريناد اسحبت نفسها عشان ماتقلب المواجع على اختها (لاتصيرين ضعيفه ياغلا الجايات أكثر) تجهزت ... وركبت في السياره مع اخوانها تركي وخالد وعبدالله وفارس ولده اما لمى مقدرت تجي بتجلس عند اهلها ...قبل مايرجعون للندن .... ابو عبدالله ومحمد في سياره بلحالهم طوول الطريق تسولف وتضحك على تنكيتهم ومواقف تركي في لندن ... اللي ماتنتهي ... حتى اصواتهم لها فقده ...شفتو كيف الفراق يعذب ..... ... ومن بعد ماوصلو ونزلو لبيت عمهم ... سلمت على البنات وجلست معاهم .....اشتاقو لبعض لأنهم من بعد موت امها انقطعت عنهم أخبارها ... رحبو فيها ووسعو صدرها صديقة عمرها (سديم) كانت مثل أخت غلا ...لكن ظروف غلا القاهره ...أبعدتهم عن بعض ...وكل وحده راحت بطريقها .....وبينهم مكالمات بسيطه .... أخذتها سديم لغرفتها بينامون ..... سديم: غلا غلا: هلا سديم باهتمام: ووشلونك مع مرت ابوك غلا: ابد حرب بارده تعطيني نظرات تجرح بشكل غير مباشر لكنني مجنبتها سديم: الله يكون فعونك ... بعد مدة صمت سديم: وكيف درجاتك مع الثانويه العامه؟ غلا: الله يعين سديم: لاتقولين مزفته غلا: هههههههههه لابس يبيله شدت حيل سديم : ايه شوي.....غلا عندي لك شي ابي اقوله لك غلا: وشو طيب؟ سديم نزلت راسها وقالت بحزن: بس..... غلا: سديم وربي تعودت حياتي كلها صدمات علميني وشو؟ سديم: اهو يخصك ياغلا ...لكن حتى الليل والنهار عندي تساوت من كثر ماهو مضيق صدري غلا(بغصه): وشو سديم صدقيني تبلد احساسي من بعد موت امي
سديم ودها تصيح لكن لازم تمسك نفسها: أمس اول ماجا عمي فواز ...من الكويت ...كان يكلم أبوي ويسولف معاه ...حسيت ان عندهم سالفه يبون يقولونها ...طلعت ورحت للمطبخ ...طبعا أصواتهم عاليه .. وانا قريبه من المجلس .. غلا: وش قالو؟ سديم: كانو يتكلمون عنك .. غلا: ....... سديم بغصه وبصوت فيه صياح شهقت أول شي وبعدين قالت: قالو المفروظ ابو عبدالله اهو اللي يربيها مب مرته ...يعني ابوك بيوديك لمصر ....وبتقعدين عند مرته الثالثه ... غلا:..................... صــــــــــــــــــــــــدمـــــــــــــــــــــــ ــــــــه سديم: غلا! غلا ماعرفت تتكلم ...بس على طول دمعتها على خدها ...وبدت تشاهق ماحست اللا بسديم جالسه جنبها سديم: غلا خلاص وربي كلنا بنحاول في أبوك غلا من الصياح ماعرفت تتكلم سديم حاولت تهدي فيها بس مانفع ...حتى لو اسكتت بتروح لمصر غربها في بيتها وتركها عند مرته الثانيه ...والحين جا الوقت اللي بتتغرب حتى في مجتمعها ...وطنها ...بتروح لمجتمع وبيئه مختلفه ... محيط ثاني....عيشه أصعب وحياة صعبه ......... مايراعي مشاعرها ...ولاحتى عشان دراستها ......... ليـــه ؟ كله عشان زوجاته؟ ول تعذيب فيها ؟...وشذنبها؟.......... بعد فتره هدت غلا شوي غلا: سديم عمري مافكرت أترك حتى ديرتي واروح مكان ثاني أنا وش يضمن لي هالمصريه اللي حتى ماشفتها عشان اعيش معاها سديم: طيب يمكن بتصير طيبه وحليوه معاك غلا: مابي طيب انا ابي اخواتي ماصدقت متى باندمج معاهم واصير اختهم مو غريبه في البيت ..ماصدقت طلعت هالسكنيه ندى اللي مسببت لي خوف في البيت عشان اروح مصر...انا يالله حاولت مع مرت ابوي يجي يوديني عند وحده ثانيه ؟ سديم اللي ماتوقعت ان غلا لها الدرجه ماارتاحت وكل هذي مشاكل عندها:غلا قلبي والله كلنا معاك وبنحاول في ابوك صدقيني مارح نخليك كذا واحنا بعد مانبيك تروحين غلا: طيب اكيد بكره بيستقعدون لي عماني مع ابوي وش ابقول لهم؟ عشان كذا ابوي مصر اني اجي معاه للدمام سديم: طيب شوفي حاولي فيه بالسياسه باسلوب ...وان شالله بيقتنع ...وعماني ان شالله بيصيرون معاك بس انتي خلي املك بربك قوي غلا: برايك؟ سديم: ايه صيري قويه غلا: تعبت من كثر مااصير قويه وبالأخير انفجر سديم مسحت على شعرها ورفعته على فوق : هههههههه ومن قال لك اني ابخليك كذا؟ مستحيل انا والبنات وعماني ان شالله كلنا بصفك وابوك بتلقينه ضعيف بس الله الله بالاسلوب
غلا بابتسامه منهزمه : ان شالله سديم : ياحلو هالضحكه بس ياجعلني فداها ... يالله ياقلبي روحي صلي لك ركعتين ريحي عليها وان شالله ربك يكتب اللي فيه الخير
غلا: ان شالله الملجأ الوحيــد لضعفها وقلة حيلتها ...المصحف ... تشكي لربها ... تهدا ,... تحس بنفحات ايمانيه ......تريح قلبها ...وأعصابها ...تنسيها شوي من همومها ... ظلمت الدنيا وغطى الليل المكان الساعه صارت 2 الكل نايم ... عم السكون في المكان ... حست ان اللي بيمر وقت طويل ... واهي جالسه بلحالها حتى النوم عافته ....... ((اااه ياحلو الراحه من بعد ...الهم ...)) قامت تطالع في منظر حديقة بيت عمها الكبيره .... والخضرا ....كيف الظلام غطى على جمالها ... وخلاها مثل المكان الأسود الموحش ....وعلى أصوات صراصيرالليل اللي تخوف ... تماما مثل قلبها الصغير اللي يحمل كل معاني الجمال والطيبه والبرائه ...كيف ان الهم ...والدنيا اهلكته ...واتعبته .... غطى عليه بظلامه ...خلاه ...قلب حزين .... مع كل نبضه يذوق فيها طعم الحزن ... واخفى معالم الجمال الكثيره اللي تحتويها .... لبست جاكيتها الخفيف لأن الجو مغيم لكن لطيف ومو بارد ... مثل قلبها اللي مازال ينبض بشعور احلى من الحزن ...لولا هالشعور الرائع كان مات قلبها وتلاشى حتى واهو ينبض كان اصبحت جسد بلاروح ...ايه هذا قلبها ....اللي اصبح ينبض بالحب ((أحبـــــــكــ يانايف أتمناك جنبي اللحظه هذي )) استنكرت شعورها وماعجبها ...لكنها استسلمت هذا حب ولااقوى رجل عرف يمسك مشاعره منه .... كانت جالسه بين الظلام والوحشه المحيطه فيها ...ماخلاها تكمل وحدتها غير الجو اللطيف واللي فيه قليل من رذاذ المطر....تذكر بس نايف ومااشغلها غير نايف ...تحس انه قريب منها وجنبها :::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :: بعد الليله المظلمه السودا ... طلع يوم جديد وحدث جديد لبطلتنا جا الوقت اللي تواجه مصيرها اللي خافت منه وسهرت بسببه ........... ابو عبدالله: لازم تجين أجل من بيربيك غيري؟ غلا: يبه انا كذا مرتاحه عندي ام محمد ماتقصر واخواتي ومحمد ابوي تكفى لاتحرمني منهم عبدالله وخالد وتركي ومحمد مااعجبهم كلام ابو عبدالله لكن مابيكسرون كلام أبوهم وان تكلموبيطيحون من عين عمانهم كلهم ابو عبدالله: انا ابوك ولازم تطيعيني غلا حست بموقفها قدام عمانها كللللهم واللي ماتكلمو بولاكلمه الكل ضعيف ...والكل ساكت ...اخوانها وبنات عمانها وعمانها كلهم يطالعون مثل المسرح ...أبوها مثل الدنيا اللي تفرض على ضعفها ...شئ ماتقدر عليه مو انها مب راضيه لكنها ماتقوى تتركهم ...صديقاتها ...قرايبها ...اخواتها ... ماتبي تسافر وتتركهم ... حبيبــــــــها أيه نايف اللي حبته ... وكل ماحطت عينها عليه نساها هموم الدنيا كلها .... كيف بتترك كل هذا وبتروح عند مرت أبو حتى ماشافتها وماتدري وش بتخبي لها ........ بعد صمت وتجريح ابوعبدالله لبنته حتى اخوانها ماتحملو يسمعونه ... غلا بدت تشهق وتصيح ... ماتبي تروح ليه .. تنغصب ...وماتنلام ماحد يخفى عليه ..مرت الاب ...وبالذات ان كانت في بلدها ..وبين اهلها ...بتكون قوتها أكبر من غلا ... فترة صمت يتخللها شهاق غلا الضعيف..والمظلوم الدنيا ظلمته والهم قضى على فرحته من كل الجهات .... ابو عبدالله ظل ساكت وماحد بيتكلم قطع هدوئهم ...كبيــر العايله (ابو صالح) اكبر واحد من اخوان ابو عبدالله ... تكلم بوجهه المجعد ونظاراته الكبيره وطبعا كلمته لها وزنها كون انه كبيرهم وشيخ قبيلتهم ... ماحد بيرده...ومعروف بالحكمه عندهم كان ساكت بس يدرس ردود افعالهم..ويقرا عيونهم ابو صالح: ابو عبدالله اخوي الكل التفت على ابو صالح ابوعبدالله: سم طال عمرك ابوصالح بحكمه: وراك ماتجيب مرك المصريه للسعوديه وانت اللي بتتولى غلا ابو عبدالله: شاري لها بيت هناك ...صعبه وانا اخوك غلا بنتي تجي عندي أسهل ابو صالح بعد تفكير: طيب لاتوديها بغير رضاها ... محمد ماتحمل يسكت ..لو انه مكان غلا كان من سابع المستحيلات انه يوافق ..وغلا مالها كلمه ..الحين هذا وقته .. الحين المفروض يتكلم محمد قاطعهم : يبه ! التفت عليه الكل .. ارتبك ..ابوه ينتظره وش بيقول .. محمد: ليه ماتخليها عندنا؟ ابـــوي اخوان احنا .. تخليها عند اخوانها واخواتها ول مرت ابوها .. يبه لاقدر الله لو تركت الدنيا ...غلا بتجلس بلحالها في مصر...؟؟ ..... يبه وش بيقولون الناس عننا؟....مارضالها تختلط بمجتمع غير عن مجتمعها أبوي انا موجود ...أنا خوها مثل مااهي اختي ... أنا ويــــــــــن رحت ؟... سكت محمد ينتظر ردة فعل ابوه اللي من جد حس بكلامه بالذات يوم قال له (وش بيقولون الناس عننا) وجلس يفكر والكل ينتظر رايه خالد اللي تفكره مثل تفكير ابوه ..بالضبط خالد: يبه لالا خلها عندك وتتربى في بيتك ليه عند ام محمد؟ خلها عندك غلط وجودها في الرياض محمد: خالد راضيها ؟؟ على اختك بتدرس وجنبها واحد اجنبي ماتعرفه ولايعرفها هنا خـــلاص ماقدر يسكت ابو عبدالله وهو ياشر لمحمد: محمد تعال وانا ابوك محمد: سم يبه ! .. غلا بحزن قاطعتهم: يعني مارح تاخذني معاك لمصر؟ ابو عبدالله سكت .... عبدالله: لالا مارح تروحين مصر..ياغلا ابو عبدالله : بس ان جو اخوانك تروحين عندهم غلا:..... طلع ابو عبدالله ... من المكان ... غلا شوي وتحب محمد على رجوله وقف معاها وقفه حتى اخوانها ماعرفو يسوونها ... اثبت انه اخوها من جد مو بالكلام .... طريقته الهاديه المقنعه قلبت الموازين ول كان حالتها حاله الحين غلا: مدري ياخالد انت ماعندك مانع؟ عادي اروح مصر؟ تركي بقهر: والله مو ابوي اللي يتزوج وانتي اللي تاكلينها ماحد راضي محمد: مجانين نخليك تروحين مصر؟؟؟ غلا: محمد ...اشكرك اقل شي محمد: ماسويت شي اختي انتي راحت ركض لغرفت سديم واهي تبكي ماتدري هو فرح ول حزن ول امتنان سديم وهي تصيح: شفتي ياغلا قلت لك مستحيل احد بيسكت غلا: الحمدلله اللي عدت على خير سديم بابتسامه مشرقه: انتي وسعي صدرك بس وتفائلي ومايصير اللا الخير غلا: ان شالله
